सुन्दरी नायिका मिरुना ‘कबड्डी ४’ बाट हिटको यात्रा सुरु होला ? (१५ तस्विर सहित)

नायिका मिरुना मगरको सुन्दरता र उनको अभिनयको प्रशंसा खुबै हुन्छ । तर, मिरुनाले हिट चलचित्र दिन नसक्दा उनलाई समस्या परिरहेको छ । उनले अभिनय गरेका कुनै पनि चलचित्र बक्स अफिसमा चलेका छैनन् । ‘लालपूर्जा’ नामक चलचित्रबाट यो क्षेत्रमा प्रवेश गरेकी मिरुनाले यसपछि केही चलचित्रमा काम गरिन् । उनले ‘रोज, साइनो र च च हुई’मा काम गरेकी छिन् । तर, यी सबै चलचित्र बक्स अफिसमा असफल भए । यसलेगर्दा, मिरुनाको चलचित्र यात्रा पनि सुखद हुन सकेन ।

उनै, मिरुना अब भने एक हिट सिरिजमा काम गर्दैछिन् । चलचित्र ‘कबड्डी ४’को मुख्य नायिकाको रुपमा उनले काम गर्दैछिन् । यो चलचित्रमा अनुवन्धित भएपछि मिरुना लण्डनबाट नेपाल आएकी छिन् । उनी, हाल चलचित्रको वर्कशपमा व्यस्त छिन् ।

लगातार असफल चलचित्रका कारण चलचित्र क्षेत्रमा स्थापित हुन नसकेकी मिरुनालाई यो हिट सिरिजले स्थापित गर्ने अपेक्षा धेरैको छ । मिरुना पनि लामो समयदेखि हिटको खोजीमा थिइन् । यही चलचित्रबाट नेपाली चलचित्र क्षेत्रमा नायिका रीश्मा गुरुङ चर्चित बनिन् भने उपासना सिंह ठकुरी स्थापित नै भइन् । मिरुनाको हिटको यात्रा यो चलचित्रबाट सुरु हुने अपेक्षा गर्न सकिन्छ ।

तस्वीरः मिरुनाको सामाजिक संजालबाट

यो पनि पढ्नुहोस: आन्टी भएर हराउन्न, नायिका रेखा थापा……….
रेखा थापा नेपाली चलचित्र क्षेत्रकि एक चर्चित अभिनेत्री र तथा र्निमात्री हुन् । सन् १९९९ मिस नेपालमा सहभागी भएर उनी उत्कृष्ट दस मा पर्न सफल भएकी थिइन् । २ वर्ष पछि उनले छबी राज ओझाको चलचित्र हिरोबाट नेपाली चलचित्र क्षेत्रमा प्रवेश गरेकी थिइन् । हालसम्म उनले २०० वटा भन्दा बढी नेपाली चलचित्रमा अभिनय गरेकी छिन् ।

सन् २०१० र २०११ मा उनले उत्कृष्ट अभिनेत्रीको सिजी डिजिटल फिल्म पुरस्कार पाएकी थिइन् र सन् २०११ मा उत्कृष्ट अभिनेत्रीको नेफ्टा फिल्म पुरस्कार जितेकी थिइन् । नायिका रेखा थापाले आफू फिट रहन नसकेर चाडै नै नहराउने बताएकी छिन् । पछिल्लो समय प्रदर्शनमा आएका केही चलचित्रमा रेखाको फिगरलाई लिएर चर्को आलोचना भएको थियो ।

चलचित्र हिम्मतवाली र तथास्तुमा रेखाको अस्वभाविक मोटो शरीरलाई समिक्षकहरुले चर्को आलोचना गरेका थिए । अहिले यी चलचित्र हेर्दा आफूले आफूलाई कुनै ध्यान नदिएको लाग्ने गरेको भन्दै रेखाले अब पूर्ण रुपमा पुरानी रेखा हुने बताइन् । चलचित्र हिरोमा डेब्यू गर्दा आफ्नो जस्तै फिगर थियो त्यस्तै बनाउने रेखाको भनाई छ ।


यसका लागि उनले ट्रेनर नै राखेर दैनिक जिम गरिरहेको बताइन् । अमेरिकामा रहँदा आफूले करिब १ महिना जिम गरेको भन्दै उनले नेपालमा आएर पनि यसलाई निरन्तरता दिएको बताएकी छिन् । चलचित्र रामप्यारीको छायांकनमा ५ केजी भन्दा बढी घटेपछि रेखाको लुक्स पनि फेरिएको थियो ।

उनले भनिन्-नायिकाहरु फिट रहन नसकेर चाडै नै नायिकाको भूमिकाबाट आमा र आन्टीको भूमिकामा देखिन्छन् । म आन्टी भएर हराउदिन । नायिका रेखा थापालाई हराउन दिन्न । उनले आफूले लाप’रवाही गरेका कारण पनि मेन्टेन गर्न नसकेको बताएकी छिन् ।

प्रकाशित मिति २४ चैत्र २०७७, मंगलवार ०८:२३